تعليم صيانة الشاشات والتلفزيون المسطح والالوان من البداية للاحتراف

الأفوميتر

وهو جهاز به مجموعه من وحدات القياس يستخدمها الفنيين فى مجال الالكترونيات ولا يقتصر استخدامه على فنيين صيانه الهاتف المحمول انما يستخدم فى جميع المجالات الاخرى كمهندسين اللاب توب والكمبيوتر والريسيفر....... . الخ

ولكن عندما نتكلم عن الافو فاننا سنتكلم عن الاوضاع التى سنحتاجها فقط لانه توجد اوضاع فى الافو لانستخدمها كفنيين صيانه محمول .

الوضع الاول (البازر)

وبازر تعنى (جرس) اى انه عند لمس كابلات الافو ببعضها يجب ان نسمع صوت البازر

*- استخدامات وضع البازر

1-قياس الممانعه:- وهو قياس سريع للدايره فمثلا عند التعامل مع عطل سماعه المكالمات لا تعمل فقبل أى شىء يجب التأكد من المسار الواصل بين IC الصوت ونقاط تلامس السماعه .

ملحوظه هامه جدا :- عند قياس الممانعه يجب الوقوف بكابل الافو الاحمر على اى جسم معدن واى جسم معدن يكون ارضى يعنى سالب. والطرف الاسمر على نقاط تلامس السماعه اذا اعطى الافو على الشاشه الرقميه قراءه من 3 أرقام فهذا معناه ان المسار من نقطه التلامس حتى الIC سليم .

خلى بالك من حاجه مهمه جدا

ان قياس المملنعه يؤكد فقط اتصال المسار ولكن لا يؤكد ان صلاحيه الIC او تلفه يعنى انت بس اتأكدت ان المسار الخاص بالسماعه سليم. بس ممكن الIC يكون سليم وممكن لأ.

حاجه كمان ان ا المخطط هو اللى بيحددلك ان المسار ده هيديلك قراءه ولا لأ . ازاى يعنى فى المخطط المسار اللى ليه بدايه وليه نهايه لازم يديلك قراءه من 3 ارقام من غير ماتسمع صوت بازر.

نتيجه قياس الممانعه

(*_*) عند قياس الممانعه من الممكن سماع صوت بازر وده معناه حاجه من الاتنين

ان المسار ده اصلا سالب لان اللى يديلك بازر وانت بتقيس ممانعه يبقى سالب لان اللى يبزر مع السالب بيكون سالب زيه. او ان المسار ده فعلى يعنى له بدايه ونهايه وفى الحاله دى هيكون المسار ده حصل فيه شورت (قفله )

(*_*)قراءه من 3 أرقام اذن المسار سليم .

(*_*) مالانهايه يعنى هيظهرلك على الشاشه الرقميه واحد صحيح

وبرده خلى بالك لو المسار ده فعلى يعنى له بدايه ونهايه وادالك واحد صحيح يبقى كده عنك قطع فى المسار .

وبرده ممكن يكون الطرف اللى بتقيسه ممانعه يكون هو بطبيعته طرف مهمل أو تثبيت وفى الحاله دى ده بيكون عادى وبرد المخطط هو اللى بيعرفك ده.

2_قياس التتبع:_ والقياس ده بستخدمه لو بقيس ممانعه على مسار فعلى وادانى مالانهايه فبحدد المسار من المخطط وهقف على بدايه المسار بطرف من الافو والطرف الاخر على نهايه المسار ولازم اسمع صوت بازر بين النقطتين .

ملحوظه هامه جدا:- مش هيفرق معايا فى قياس التتبع الاحمر او الاسود المهم انى اسمع صوت بازر .علشان اقدر احدد فين القطع فى المسار .

3_يستخدم ايضا وضع البازر لقياس المكونات والعناصر الالكترونيه (الملف_الدايود _الفيوز _المقاومه الصفريه_المكثف)

الوضع الثانى(الأوم)

الأوم هو وحده قياس المقاومه الكهربيه ويجد على الافو تدريج يبدأمن رقم 200 الموجود بعد علامه البازر ونجد بعدها 2كيلو و20كيلو و200كيلو و2ميجا و20ميجا و200ميجا

كل مقاومه يتم قياسها على حسب قيمتها والقيمه تكون مذكوره على المخطط

ملحوظه :- يستخدم وضع الأوم فى قياس الممانعه فى بعض الحالات كقياس مسار الbsiiفى بعض موديلات النوكيا 105......الخ وطريقه القياس تتم بالوقوف بطرف من الافو على طرف المقاومه والطرف الاخرمن الافو على طرف المقاومه الثانى.

الوضع الثالث(الفولت الثابت)

ويستخدم هذا الوضع لقياس الفولتيات فمثلا لقياس فولت موجود فى البوردا فى دايره معينه او لقياس فولت البطاريه .